A presentación pública da candidatura e do programa electoral do Partido Popular da Laracha será o domingo 7 de maio na Casa da Cultura nun acto aberto a toda a cidadanía
O Partido Popular da Laracha preséntase ás eleccións municipais do 28 de maio con José Manuel López Varela como número 1 dunha candidatura renovada. Está formada por 27 homes e mulleres de perfís persoais e profesionais variados. «Xente preparada, implicada co municipio e disposta a aportar traballo, propostas e esforzo para mellorar a vida dos cidadáns», afirman.
A candidatura do PP da Laracha ten dous avais fundamentais. «O primeiro é o das persoas que forman parte do partido, combinando a experiencia dos máis veteranos coas ideas renovadas dos xóvenes e representando nelas ás trece parroquias do municipio. O segundo aval é o da xestión eficaz e responsable á fronte do goberno local durante os últimos anos que significou o progreso do Concello a todos os niveis», destacan.
«O proxecto do Partido Popular para os próximos catro anos é realista e ambicioso, con propostas que xerarán ilusión e confianza na cidadanía e que pretenden continuar transformando A Laracha entre todos. Coñecemos o modelo de futuro que queremos para A Laracha e, o que aínda é máis importante, levamos anos demostrando que sabemos como levalo a cabo con garantía de responsabilidade, transparencia e eficacia», engaden desde o PP local.
A presentación pública da candidatura e do programa electoral dos populares da Laracha será o domingo 7 de maio na Casa da Cultura nun acto aberto a toda a cidadanía.
Lista dos 27 homes e mulleres
1. JOSÉ MANUEL LÓPEZ VARELA
2. JOSÉ RAMÓN MARTÍNEZ BARBEITO
3. PATRICIA MARÍA BELLO CANEDO
4. MARÍA DEL ROCÍO LÓPEZ REY
5. PABLO CAMBÓN BÉRTOA
6. JOSÉ ALBERTO BLANCO VEIGA
7. MARÍA ALMUDENA MARTÍNEZ PÉREZ
8. VERÓNICA PÉREZ VERDÍA
9. JUAN CARLOS AMADO COLLAZO
10. ANA BELÉN RODRÍGUEZ VILAS
11. MANUEL GARCÍA MONTES
12. CRISTINA VIEITES CALVO
13. FRANCISCO JAVIER SUÁREZ LISTE
14. BEGOÑA DOMÍNGUEZ PATIÑO
15. DANIEL ALEJANDRO REMUIÑÁN GRAÑA
16. LUCÍA VARELA RABUÑAL
17. JOSÉ MARÍA VARELA FRAGA
Suplentes
1. ROBERTO MANUEL COTELO GÓMEZ
2. JESÚS MANUEL RODRÍGUEZ CASTRO
3. MARÍA PURIFICACIÓN GARCÍA MONTES
4. MARÍA DEL CARMEN SERRANO FRAGA
5. SORAYA GARCÍA COTELO
6. JUAN CARLOS PEREIRA VÁZQUEZ
7. VERÓNICA GÓMEZ BARREIRO
8. JESÚS ALEJANDRO ABELENDA POSE
9. ESTEFANÍA RAMOS MONTES
10. TORIBIO GARCÍA RODRÍGUEZ
