O alcalde, José Manuel López Varela, fixo o primeiro izado xunto ao equipo de salvamento e socorrismo.
Así que na praia de Caión volve ondear a Bandeira Azul. Ao izado asistiu unha representación do goberno local, encabezada polo alcalde, José Manuel López Varela e membros do equipo de salvamento e socorrismo.
Ademais o izado significa a posta en marcha de todos os servizos e equipamentos que estarán operativos na praia de Caión durante a temporada de verán, que se prolongará ata o 15 de setembro.
Tamén o equipo de salvamento e socorrismo contará con oito efectivos (sete socorristas máis o coordinador xeral) e terá a diario un horario de 12:00 a 20:00 h.
Neste sentido, a Bandeira Azul é o distintivo que outorga a Fundación Europea de Educación Ambiental para recoñecer:
- a calidade dos areais e das augas
- o cumprimento dunha serie de normas relacionadas coa seguridade
- respecto medioambiental
- accesibilidade e servizos xerais, etc.
Aclarar que tamén conserva o distintivo de Sendeiro Azul o Sendeiro de Saldoiro, o tramo do paseo marítimo que vai desde a praza Eduardo Vila Fano ata o arroio Figueirido, preto do límite co termo municipal de Carballo. A bandeira xa fora izada no pasado mes de febreiro. O Centro de Interpretación dos Muíños de Auga da Costa da Morte de Golmar repite distintivo de Centro Azul en recoñecemento ao labor de educación ambiental que se leva a cabo nesas instalacións.