Coa chegada do mes de xullo o Concello comezou a desenvolver as primeiras actividades do programa municipal cultural e deportivo de verán.
Desde o luns e ata o venres corenta nenos de idades comprendidas entre os 4 e os 6 anos participan no campamento urbano do programa municipal que se está a levar a cabo nas instalacións do pavillón do IES Agra de Leborís. O programa deste campamento inclúe diversidade de obradoiros de traballos manuais, cociña, animais e reciclaxe, ademais de xogos deportivos e tradicionais. O venres será a despedida cunha festa con inchables.
O horario en cada unha das xornadas é de 9:30 a 13:30 horas, xa que un dos obxectivos principais do Concello é facilitar a conciliación da vida persoal e laboral das familias con nenos ao seu cargo.
Os participantes do campamento urbano recibiron a visita do alcalde, José Manuel López Varela, e da concelleira de Cultura, Patricia Bello.
