A cota tributaria xeral en concepto de ICIO para o proxecto de UNIFERSA ascende a 131.219,03
Na reunión da Comisión Informativa de Asuntos Económicos, Facenda e Especial de Contas tratouse a proposta de concesión dunha bonificación do 95% no imposto municipal de construcións, instalacións e obras (ICIO) ao proxecto de creación da nave industrial da firma UNIFERSA no parque empresarial da Laracha.
Este incentivo está contemplado no artigo 6 da ordenanza fiscal número 17 ao tratarse de actuacións de especial interese por concorrer circunstancias de fomento do emprego, xa que dito proxecto ten por finalidade a implantación da empresa no polígono industrial. A cota tributaria xeral en concepto de ICIO para o proxecto de UNIFERSA ascende a 131.219,03. Dado que a bonificación proposta do 95% supón 124.658,08 euros, no caso de alcanzarse o acordo plenario, a empresa soamente deberá aboar 6.560,95 euros.
O Concello ten previsto retrasar ao venres 4 de febreiro a celebración do Pleno ordinario de xaneiro ante os casos positivos por covid de funcionarios municipais.
