O Concello da Laracha e Vegalsa-Eroski asinaron un convenio de colaboración do programa «tarxeta solidaria»
A Laracha vén de asinar o convenio de colaboración coa firma Vegalsa-Eroski. Trátase da posta en marcha na Laracha do programa «Tarxeta solidaria». Deste xeito, facilitarase a xestión dos servizos sociais municipais nas axudas económicas directas. A iniciativa está dirixida as persoas e familias desfavorecidas para que poidan realizar compras de produtos de primeira necesidade no supermercado Familia (Avenida Doutor López Astray, A Laracha).
O acordo simplifica o procedemento de acceso ás compras coa emisión dunha tarxeta-moedeiro a nome da cada usuario do servizo. Os descontos farase na gama de produtos definida previamente polo Concello –excluíndo aqueles que non son de primeira necesidade- directamente na caixa. Ademáis, as persoas beneficiarias deben identificarse presentando o DNI xunto a esa tarxeta.
A posta en marcha do programa supón un avance importante xa que facilita a xestión destas axudas polo Concello. Tamén, salvagarda a identidade dos beneficiarios no momento de pagar con ela e permitiralles elixir libremente en que gastar o saldo dentro da gama de produtos considerados de primeira necesidade.
