López Varela recibiu no Concello a representantes dos colectivos que lle explicaron a problemática e incertezas que vive o sector
José Manuel López Varela, alcalde do Concello da Laracha, mantivo onte unha reunión con representantes do sector de perruquería e salóns de estética. O propósito foi coñecer a problemática á que se enfrontan e as súas necesidades máis perentorias ante o coronavirus.
Asistieron, Asunción Catoira -presidenta de ECIPA (Asociación Estilistas Coruñeses)-, Irina Salgado -coordinadora da Plataforma Peluqueros Unidos de España- e Jesús Vázquez como representante do sector no concello da Laracha. Na oportunidade trasladáronlle ao rexedor municipal a importancia de dar visibilidade á función social que o colectivo realiza. Tamén explicaron o momento de incerteza que viven ao estar excluído de gran parte das convocatorias de axudas públicas. Tamén reivindicaron a necesidade de consideralos un servizo esencial para poder volver aplicarlles o IVE reducido do 10% (actualmente está no 21%).
López Varela trasladoulles o seu apoio en nome da Corporación municipal e, ao considerar xustas as súas demandas, comprometeuse a secundar as accións que con esas finalidades leve a cabo o sector.
