A Policía Autonómica detivo unha persoa en Santiago de Compostela pola súa suposta implicación no roubo de preto de 2 millóns de mascarillas, entre outro material sanitario. Foi nunha nave situada no Polígono do Tambre. O operativo comezou tras recibir o aviso de que na nave podería haber unha gran cantidade de mascarillas do modelo FFP2. Pero tamén, guantes cirúrxicos, pantalóns, uniformes sanitarios, botiquíns e alcohol. A empresa, que se dedica á venda de material sanitario, está actualmente en situación concursal.
Ante este aviso, os axentes solicitaron a autorización do administrador concursal e accederon ao interior da nave. Alí omprobaron que as mascarillas foron roubadas case en súa totalidade. Todo o material roubado, para o que se calcula un valor aproximado duns 5 millóns de euros, foi extraído das súas caixas.
Material escaso no mercado
Parece que o roubo de preto de 2 millóns de mascarillas e outro material sanitario, se produciu cando a pandemia de coronavirus xa estaba presente en varios países. E era considerado un problema de saúde pública. Polo tanto, os autores do roubo eran conscientes de que era un material moi necesario na loita contra a enfermidade e que comezaba a escasear no mercado. De feito, fixéronse cos materiais que máis demanda teñen e deixaron outros que non están tan solicitados, como botas ou botiquíns.
A partir dese momento, comezou a investigación coa comprobación das imaxes de cámaras de seguridade e a declaración de testemuñas. Todo apuntou a un empresario da cidade, que fora visto ao redor da nave e que, recentemente, mantivera supostamente unha reunión con cidadáns portugueses. Con posterioridade, accederon ao interior desta empresa. A hipótese actual é que, logo de roubar o material sanitario, este foi vendido a unha empresa afincada en Portugal.
Detención do implicado
Polo tanto, procedeuse á detención do empresario pola súa suposta implicación nos feitos. Unha vez tomada declaración, foi posto a disposición xudicial. Actualmente, continúan as investigacións para dar co resto de autores e as persoas que presuntamente recepcionaron o material en Portugal. Se solicitou a colaboración das forzas e corpos de seguridade do país veciño. Ademais, vaise dar conta de toda a operación á Delegación de Goberno.
