Tamén o fará o servizo de recollida de voluminosos o mismo luns
Cogami é a empresa que se encargará da xestión do punto limpo a partir do luns da próxima semana. Nun acto desenvolvido nas instalacións este mediodía, formalizouse a entrega por parte da anterior concesionaria, Aspaber. O alcalde, José Manuel López Varela, agradeceu o labor desenvolvido pola gestora desde 2013. Apuntou que nestes oito anos “demos un impulso ao punto limpo e incorporamos novos servizos como a recollida domiciliaria de voluminosos”.
A continuación, o rexedor deu a benvida aos representantes de Cogami. Lembró que ademais dos mesmos servizos tamén se encargará da recollida de aceites domésticos, incluída por primeira vez no contrato. Para iso, será precisa a instalación de contedores nas vilas da Laracha, Paiosaco e Caión, así como na urbanización Monte Claro de Cabovilaño.
López Varela tamén recordou que o Concello volveu apostar por dirixir a licitación destes servizos exclusivamente a centros especiais de emprego e empresas de inserción laboral.
Horarios e novo teléfono
Con motivo da posta a punto das instalacións, nesta semana o punto limpo permanece pechado ao público. A partir do luns,19 de xullo, reabrirá baixo a xestión de Cogami no mesmo horario e novo teléfono:
- Luns de 15:00 a 20:00 horas
- Mércores e venres de 16:00 a 20:00 horas
- Sábados de 9:00 a 14:00 horas
- Novo teléfono gratuíto para solicitar a recollida de voluminosos: 900 701 120.
