Tampouco funcionará a recollida de voluminosos pola posta a punto das instalacións do punto limpo e os seus equipamentos
Nos próximos días será efectivo o cambio de concesionaria da xestión do punto limpo da Laracha e os seus servizos complementarios. A nova empresa é Cogami, a través do seu centro de emprego Coregal especializado na xestión medioambiental integral. Así, realizará previamente os labores oportunos de posta a punto das instalacións e dos seus equipamentos.
Por ese motivo o punto limpo permanecerá pechado durante a próxima semana. Tampouco funcionará o servizo gratuíto de recollida a domicilio de voluminosos. Unha vez restablecido o servizo xa coa nova xestión, os horarios de apertura do punto limpo serán os mesmos cos que viña funcionando nos últimos anos:
- Luns de 15:00 a 20:00 h.
- Mércores e venres de 16:00 a 20:00 h.
- Sábados de 9:00 a 14:00 h.
A recollida de voluminosos tamén volverá estar operativa de xeito similar. Aínda que variarían tanto o teléfono como o correo electrónico de contacto para solicitar este servizo gratuíto para a cidadanía larachesa. Ambos datos faranse públicos co regreso do servizo.
O contrato tamén inclúe a implantación de colectores de recollida de aceites domésticos. Serán situados en puntos estratéxicos das vilas da Laracha, Paiosaco e Caión, así como na urbanización Monte Claro de Cabovilaño.
