A Taberna de San Cristovo e Cafetería Suiza son os mellor valorados polos xurados popular e profesional no concurso gastronómico «Destapa A Laracha».
O centro sociocomunitario de Caión foi o escenario na entrega de premios do concurso gastronómico «Destapa A Laracha». Os encargados da entrega dos premios foron o alcalde, José Manuel López Varela, e a concelleira de Promoción Económica, Rocío López.
Destacar que «Destapa A Laracha» é un concurso gastronómico que se desenvolveu baixo a organización do Concello durante as catro fins de semana do mes de novembro. Participaron catorce establecementos hostaleiros de todo o termo municipal. Ademais o Concello repartiu 2.000 euros en premios para as tapas mellor valoradas polos xurados profesional e popular.
Xurado profesional e popular
Así, o premio de 1.000 euros (máis unha cata en bodega para dez persoas e un estoxo de dúas botellas de Mar de Frades doadas por Bodegas Carballo) do xurado profesional foi para Cafetería Suiza (Avenida Bergantiños 58, Paiosaco) polos seus “Troncos de outono de pataca con lacón en dúas salsas». Tamén foi a tapa mellor valorada:
- polo blogger gastronómico José Antonio Domínguez Loureiro (www.rutasyrestaurantes.com)
- e as formadoras da rama de hostalería e restauración Isabel Calvo e Sonia Fraga.
Por outra manda, o premio de 1.000 euros (máis estoxos con dúas botellas de Marques de Riscal e de Mar de Frades doadas por Bodegas Carballo) do xurado popular foi para A Taberna de San Cristovo (San Cristovo 5, Golmar) polo “Solombo en redución de salsa de cogomelos con cebola caramelizada e pataca”. O petisco deste establecemento foi o máis votado polos consumidores.
Aclarar que en total foron 271 votos válidos emitidos durante o evento, e aquelas persoas que o fixeron entraron no sorteo dos regalos que foron achegados tanto polo Concello (vales de compra de 30 euros para mercar no comercio local), como por locais participantes e as empresas patrocinadoras:
- Bodegas Carballo
- Cafetería Suiza
- Panadería Suso
- Productos Cárnicos Domínguez
- Academia Cartafol
- Massol Bronceado y Estética
- Electro AV
- Esymar Artes Gráficas
- Troulakids
- Café Bar Buenos Aires
- Café Bar o Encontro
- Estación de Servicio Vidueiros
- Clínica Diego Pérez
- Fogón da Pía
- Laboratorio Ecoturístico A Castrexa
- Bodegas Petrón
- Bar Lestón
- Clickfer Carballido
- Avelaíña
- Peluquería Jesús Vázquez
- Tulipano
- M. Ramos Interiores
- Taberna de San Cristovo
- A Xamonería de Carballo
- Licores Bello Blanco
- Bodegas Petrón de Doade
