O Psoe da Laracha propón crear un premio que serviría de aliciente para a creación de novas empresas
O Psoe da Laracha va propoñer no próximo pleno a creación do Premio ao Mellor Proxecto Empresarial. A él poderán aspirar tanto as persoas residentes na Laracha como aquelas que pretendan desenvolver a súa actividade no municipio. O Concello da Laracha conta con espazos destinados ao desenvolvemento de novos proxectos empresariais. Respecto diso os socialistas entenden que «o goberno municipal debe buscar fórmulas para enchelos de actividade e favorecer o emprendemento».
A portavoz do Grupo Municipal, Palomi Rodríguez Castiñeira, defende que “a creación de emprego constitúe unha aspiración unánime da sociedade e as institucións”. Por iso confía en que a moción conte co apoio de todos os grupos representados na corporación. Con esta proposta, explican que se podería contribuír tanto a facilitar a viabilidade dos proxectos na súa fase inicial como como a poñer en valor o Viveiro de Empresas do Concello.
Estimular a innovación
O Premio convocaríase con carácter anual. A iniciativa gañadora obtería unha concesión para instalarse de forma gratuíta, durante un ano, no centro de coworking da Laracha. Tamén, unha bonificación do 50% nas taxas e licenzas dependan da Administración municipal. Do mesmo modo, tamén se contempla un segundo premio en metálico con cargo ao orzamento do Concello.
Na opinión de Palomi Rodríguez “na Laracha hai moitísimas persoas con boas ideas e o Concello conta cunha morea de ferramentas á súa disposición como o viveiro de empresas”. Indica, ademais, que a posta en marcha do Premio “suporía un pequeno esforzo para as arcas municipais, pero sería un incentivo de primeira orde para a veciñanza”.
