O obradoiro é o sábado 5 de febreiro nas instalacións de Viveiros Amado
O Concello da Laracha organiza un obradoiro de poda e enxerto de árbores froiteiras. É o sábado 5 de febreiro en horario de 10:00 a 13:00 horas en Viveiros Amado. As instalacións situanse no lugar de A Braña Grande (parroquia de Cabovilaño) a carón da estrada AC-552.
Para inscribirse gratuitamente, acudir ao Concello ou chamar ao 981 605001. As prazas son limitadas e outorgaranse por orde de inscrición. Os únicos requisitos son estar empadroado no termo municipal da Laracha e ser maior de idade.
Esta iniciativa ponse en marcha por primeira vez desde o Concello da Laracha para ofrecer á cidadanía a oportunidade de aprender traballos de poda e enxerto precisamente na época do ano propia para levalos a cabo.
