Hoxe venres 19 de maio, último día para que os cidadáns soliciten os bonos e as empresas se adhiran ao programa.
Hoxe venres 19 de maio, ás 23:59 horas, rematao p r azo para que calquera persoa empadroada no termo municipal da Laracha e maior de 18 anos solicite a súa participación no programa Eu merco na Laracha. Esta iniciativa está impulsada polo Concello co propósito de dinamizar e reactivar o comercio local.
Tamén conclúe o período para que as pequenas e medianas empresas do termo municipal de calquera actividade comercial (incluídas as do sector servizos) se sumen a esta iniciativa.
Para facelo é preciso rexistrarse cubrindo en liña o formulario que está dispoñible na web www.eumerconalaracha.alaracha.gal ou ben de forma presencial no edificio administrativo da Laracha.
Eu merco na Laracha
Eu merco na Laracha consiste nunha campaña de bonos que se pon a disposición da cidadanía larachesa para empregar nos establecementos adheridos, subvencionando así as compras para fortalecer os negocios locais e fomentar o consumo de proximidade nos sectores:
- comerciais,
- hostaleiro,
- cultural,
- educativo,
- salóns de peiteado e beleza,
- taxis,
- etc.
O formato de presentación é unha chequeira por un valor de trinta euros que contén tres bonos de 10 euros. Cada un deles será independente e poderá empregarse para descontar por cada gasto de vinte euros nas compras, consumos ou servizos nos establecementos ou actividades adheridos (por vinte
euros de gasto descontaríase un bono, por corenta euros, dous, e por sesenta euros, tres).
O Concello destina a esta iniciativa 40.000 euros para repartir un total de 1.333 chequeiras. No caso de que se rexistren máis solicitudes que bonos
dispoñibles, para adxudicalos faríase un sorteo mediante un sistema electrónico de elección automática e aleatoria.
