O obxectivo é mellorar coñecementos e capacidades dos voluntarios para enfrontarse a circunstancias de risco
O equipo de voluntarios da Agrupación de Protección Civil da Laracha recibiu formación práctica. Os coñecementos céntranse en diversas materias de emerxencias co propósito de mellorar capacidades para enfrontar súa labor.
Parte da acción formativa incluíu manexo do equipo de alta presión con motobomba incorporada recentemente polo Concello en colaboración coa Xunta de Galicia. Tamén se realizaron prácticas sobre o uso de extintores e simulouse un incendio forestal para actuar mediante o emprego de batelumes. Ademais, leváronse a cabo exercicios con motoserra dirixidos a coñecer o modo de intervención ante a presenza de árbores caídas sobre a rede viaria.
Todas estas actuacións prácticas leváronse a cabo no entorno do polígono industrial da Laracha. Máis precisamente, unha zona próxima ao centro municipal de emerxencias, base da Agrupación de Voluntarios.
