Palomi Rodríguez di que urxe aplicar emendas os cambios propostos polo PSdeG “con espírito construtivo”. Tamén pedirá no pleno crear unha plataforma de venta online
A portavoz do Grupo Socialista de A Laracha, Palomi Rodríguez, vén de presentar 32 emendas á modificación do Regulamento municipal de venda ambulante e produtos do campo do Concello da Laracha. Foi debatido hoxe en Comisión e a finais da semana pasará ao seu debate no Pleno local.
A responsable socialista presentou as súas aportacións “con espírito construtivo” e para garantir a necesaria mellora técnica e a seguridade xurídico dun texto que foi presentado dende a Alcaldía. Palomi Rodríguez emprazou ao Grupo de goberno municipal a aceptar as propostas socialistas que “non fan senón mellorar un texto imprescindible para o desenvolvemento dunha actividade fundamental para o Concello”.
Sinalou a importancia da normativa para garantir o correcto desenvolvemento da venda ambulante, que inclúe a Feira de Paiosaco. Ademáis, apuntou á urxencia de desenvolver con plena seguridade esta actividade. Trátase de uns mercados máis grandes de Galicia, que pode aglutinar en torno a 400 postos de venta, entre alimentación, roupa, complementos, menaxe, ferretería, artesanía ou decoración.
Moción polo comercio local
Por outra parte, Palomi Rodríguez podrá a consideración do Pleno a unha moción sobre creación dunha plataforma de venda online por parte do Concello da Laracha para a revitalización do comercio local.
«O pequeno comercio e os establecementos hostaleiros -dí- xeran unha boa parte do emprego no noso Concello. Esta crise do coronavirus coincide nun período de
gran actividade comercial, coincidindo en moitas ocasións con festividades de ámbito local e autonómico que tiveron que ser suspendidas». Por iso, angade que: «A innovación e a dixitalización é necesaria para apoiar aos nosos comercios e profesionais locais para unha activación e crecemento sostible da economía local».
Polo expuesto, o Grupo Municipal Socialista da Laracha insta ao Goberno municipal a poñer en marcha, en coordinación con todo o sector, a creación dunha plataforma de venda online para facilitar a innovación e dixitalización. Tamén, a interacción comercio-cliente a través da participación cidadán, co obxecto de dar un impulso ao tecido empresarial do noso municipio que axude a paliar os efectos da pandemia.
