Está en proceso a selección de un técnico de igualdade na Laracha. Ademáis, o concello contará con atención temprana e un Aula Mentor
O Boletín Oficial da Provincia (BOP) publica as bases que regularán o procedemento de selección de un técnico de igualdade que será incorporado polo Concello a da Laracha a xornada completa por un período de sete meses.
As súas funcións centraranse na programación, planificación, intervención e realización de proxectos sobre a promoción da igualdade de oportunidades entre homes e mulleres e a prevención da violencia de xénero.
A selección farase polo sistema de concurso-oposición. Na fase de concurso valoraranse a experiencia profesional e a formación académica dos aspirantes. A fase de oposición consistirá na realización de dúas probas, unha tipo test e outra práctica. Ademais, aqueles aspirantes que non presenten o certificado Celga 4 ou equivalente, deberán facer unha proba de coñecemento da lingua galega.
As instancias poden presentarse a través da sede electrónica do Concello da Laracha o de xeito presencial acudindo con cita previa ao rexistro xeral municipal. Tamén, nalgún dos lugares previstos no artigo 16.4 da Lei 39/2015, do 1 de outubro, do Procedemento Administrativo Común das Administracións Públicas.
Logopeda, psicopedagogo e mestre de educación especial
A Consellería de Política Social vén de publicar a resolución da concesión das subvencións destinadas a entidades locais para a prestación de servizos no marco da Rede galega de atención temperá. O Concello da Laracha é un dos beneficiarios desta liña de axudas, grazas ás que disporá dun logopeda, un psicopedagogo e un mestre de educación especial. O importe da achega ascende a 38.624,67 euros.
A atención temperá consiste nun conxunto de intervencións dirixidas á poboación infantil (0 a 6 anos), á súa familia e ao seu contorno. Ten por obxectivo dar resposta o antes posible ás necesidades transitorias ou permanentes que presentan os nenos con trastornos no desenvolvemento ou en risco de padecelos.
Nos servizos de atención temperá que se prestarán no Concello da Laracha ofrecerase unha intervención biopsicosocial que favoreza a adquisición ou a recuperación de funcións e de habilidades persoais e sociais dos nenos. En todo caso, a derivación ao servizo de atención temperá corresponde ao pediatra de referencia.
Programa Aula Mentor
O Ministerio de Educación y Formación Profesional vén de resolver a convocatoria de axudas para a creación de aulas de formación abertas e a distancia mediante tecnoloxías da información e a comunicación a través de Aula Mentor.
Aula Mentor é un programa de formación en liña non regulada, flexible e con titorización personalizada que vai dirixido a persoas maiores de 18 años. Especialmente ás que abandonaron o sistema educativo sen ningunha titulación. Dispón dun extenso catálogo de cursos cos que os beneficiarios poden ampliar as súas competencias persoais e profesionais. Mais información en
