Na Xunta de Goberno Local ademáis do contrato de Cogami tamén se adxudicou o servizo de socorrismo na praia de Caión
Na sesión extraordinaria da Xunta de Goberno Local na Laracha celebrada hoxe foi adxudicada a Cogami Reciclado de Galicia S.L. a xestión das instalacións do punto limpo. É por un período de catro anos (dous prorrogables por outros dous máis). O contrato tivo un orzamento máximo de licitación de 282.917,10 euros máis IVE. Inclúe o servizo de recollida de voluminosos a domicilio, a recollida dos colectores de papel-cartón, vidro e roupa. Por primeira vez, levarase a xestión dos novos colectores de aceite de uso doméstico que serán implantados polo Concello.
A nova concesionaria deberá subrogar os contratos do persoal que viña prestando o servizo. Cogami é a mesma empresa que xestiona desde hai preto de un ano o servizo de recollida de residuos sólidos urbanos na Laracha.
Servizo de socorrismo
Outro contrato que foi adxudicado é o do servizo de socorrismo, salvamento, vixilancia e primeiros auxilios. Se prestará na praia de Caión durante o verán. TOP Rescue S.L. terá no areal desde mañá e ata o 15 de setembro. Seu horario é de12:00 a 20:00 horas un total e conta con sete socorristas e un coordinador xeral. O Concello inviste máis de 58.000 euros neste servizo. Será complementado con dous efectivos máis a través da convocatoria de axudas da Consellería de Emprego e Igualdade da Xunta de Galicia.
Menhir de Erboedo
Por último, se fixou o día 6 de xullo como a data na que se citará aos actuais propietarios dos terreos nos que se sitúa o menhir de Erboedo. Trátase de proceder ao pagamento da expropiación e ao correspondente levantamento das actas previas á ocupación, dándose así por concluído o procedemento. O Concello investirá 8.000 euros na adquisición dunha superficie de 4.651 metros cadrados co propósito de preservar o valor histórico do que é un dos elementos máis importantes do patrimonio arqueolóxico municipal.
