O Concello impulsa esta iniciativa de bonos para reactivar o comercio local.
O Concello vai reativar o comercio local cunha dotación de 40.000 euros en bonos. O Concello da Laracha impulsa «Eu merco na Laracha».
Nestes días, o Concello está a ultimar os detalles do programa de bonos «Eu merco na Laracha». O Goberno impulsará este programa co propósito de dinamizar e reactivar a economía do comercio, a hostalería e os servizos do termo municipal larachés.
Así, «Eu merco na Laracha» consistirá nunha campaña de bonos que se porán a disposición da cidadanía larachesa para empregar nos establecementos adheridos ao programa, subvencionando deste xeito as compras desde o Concello.
Ademais fortalecerase os negocios locais e fomentarase o consumo de proximidade nos sectores comerciais, hostaleiro, cultural, educativo, salóns de peiteado e beleza, taxis, etc.
Tamén dicir que o programa terá unha dotación económica inicial de 40.000 euros, xa consignada nos orzamentos municipais deste ano.
Neste sentido, nos próximos días faranse públicas as bases do programa nas que quedarán regulados aspectos como os comercios, establecementos e negocios que poderán adherirse, os requisitos que deben cumprir os beneficiarios, e o modo de solicitude, concesión e contía económica dos bonos.
