Mañá a mesma hora, a sesión informativa da tarifa eléctrica será na Casa da Cultura da Laracha
Froito da colaboración entre o Concello da Laracha e o Instituto Galego de Consumo e da Competencia, hoxe e mañá impartiranse sendas sesións informativas sobre como aforrar na tarifa eléctrica.
Andrés Breijo, experto no mercado eléctrico, será o ponente en ambas xornadas. A primeira sesión será hoxe, luns 28 de marzo, no centro sociocultural de Paiosaco. A segunda, mañá martes 29 de marzo, na Casa da Cultura da Laracha. En ambos casos a partir das 20:30 horas.
O obxectivo principal é que as persoas que asistan aprendan a comprender os formatos das tarifas. Tamén, os diferentes conceptos da factura eléctrica, que coñezan as opcións de contratación que existen no mercado e adquiran pautas para optimizar os seus consumos. Tamén haberá tempo para formular preguntas e aclarar dúbidas ao respecto. Trátase de charlas de interese xeral para a cidadanía e de máxima actualidade polas circunstancias actuais do mercado eléctrico. A asistencia para o público é libre e gratuíta.
