O alcalde trasladoulle á presidenta de ACSIL a disposición do Concello a cooperar en iniciativas dirixidas a impulsar o pequeno comercio
José Manuel López Varela, alcalde do Concello da Laracha, e Concha Iglesias, presidenta da Asociación de Comercio, Servicios e Industria da Laracha (ACSIL), rubricaron a renovación do convenio anual de colaboración.
Así, o Concello concede a entidade unha subvención nominativa de 2.500 euros, xa consignada nos orzamentos municipais. A cooperación é para gastos derivados da realización de actividades que contribúan a promocionar o comercio local. Tamén para fomentar o asociacionismo entre os establecementos do termo municipal.
Ademais, o alcalde trasladoulle á presidenta a plena disposición do Concello a continuar colaborando na organización de calquera evento ou iniciativa dirixida a impulsar o pequeno comercio. ACSIL conta con preto de sesenta socios dos diferentes sectores comerciais y productivos do Concello da Laracha. Aqueles profesionais que desexen asociarse a entidade deben poñerse en contacto con algún dos membros da súa directiva.
