A Xunta de Goberno Local dará conta á Corporación municipal no Pleno ordinario que se celebrará mañá venres a partir das 13:30 horas na Casa da Cultura
Na sesión ordinaria da Xunta de Goberno Local celebrada hoxe acordouse aprobar a participación do Concello da Laracha nas dúas liñas do Plan provincial de cooperación ás obras e servizos de competencia municipal é, os POS+ Adicional 1/2020 e 2/2020 convocados pola Deputación da Coruña.
Unha das liñas é a achega para o financiamento de gastos correntes ou investimentos financeiramente sostibles e que para o caso da Laracha ascende a 217.108,88 euros. O goberno local propón destinar dita cantidade integramente a afrontar gastos correntes municipais.
O outro programa de axudas ten por finalidade financiar gastos sociais extraordinarios derivados da Covid-19. A achega de 57.895,70 euros que percibirá o Concello da Laracha dedicarase á adquisición de medios de prevención (equipos de protección individual). Tamén á ampliación da dotación das partidas orzamentarias para garantir ingresos suficientes ás familias en situación de vulnerabilidade e asegurar a cobertura das súas necesidades básicas.
Seguindo co procedemento administrativo establecido pola Deputación da Coruña para a tramitación deste programa de axudas, do acordo tomado hoxe pola Xunta de Goberno Local darase conta á Corporación municipal no Pleno ordinario que se celebrará mañá venres a partir das 13:30 horas na Casa da Cultura.
Orden do día do Pleno municipal
- 1. Aprobación, se procede, das actas das anteriores sesións do Pleno de 31 de xaneiro e 5 de maio de 2020.
- 2.- Dación de conta de resolucións de Alcaldía.
- 3.- Aprobación da declaración de especial interese ou utilidade municipal e da bonificación do imposto sobre construcións, instalacións e obras de dúas licencias de construción.
- 4.- Proposición de aprobación definitiva de estudo de detalle para ordenación de volumes (rúa San Martiño en Paiosaco).
- 5.- Mocións, rogos e preguntas.
