As xardineiras contan con arbustos ornamentais e plantes decorativas
O Concello da Laracha está a instalar xardineiras nas beirarrúas a ambas marxes da Avenida Fisterra. Máis concretamento no tramo da estrada AC-552 ao seu paso pola capital municipal. O propósito é facer eses espazos máis acolledores para a cidadanía.
Así, os novos elementos do mobiliario urbano contarán con aligustres (ligustrum jonandum), un arbusto ornamental que non supera os dous metros de altura. Ademáis, destaca pola súa resistencia tanto en espazos abertos como pechados. A eles súmanse plantas decorativas como begonias e lobularias.
As xardineiras están a ser colocadas en espazos libres nos que as beirarrúas presentan unha maior amplitude. Esta iniciativa lévase a cabo para contribuír a que as rúas da vila sexan máis atractivas para pasear e gozar delas.
