A urbanización forma parte do Plan especial de equipamentos educativos do IES Agra de Leborís na Laracha
Están en marcha as obras do proxecto de urbanización da Avenida Manuel Fraga ata a rúa Maruja Mallo, pola parte posterior do IES Agra de Leborís. Por iso, o alcalde do Concello da Laracha, José Manuel López Varela, e a concelleira Patricia Bello mantiveron unha reunión cos operarios no lugar das actuacións para interesarse polo traballos.
O proxecto está valorado en preto de 245.000 euros e forma parte do Plan especial de equipamentos educativos do Instituto. Inclúe a pavimentación da calzada, construción de beirarrúas, espazo de aparcamento e axardinamento. Tamén, redes de saneamento e abastecemento, canalización soterrada dos servizos de rede eléctrica e telecomunicacións. A isto, súmase iluminación pública, sinalización horizontal e vertical. Así mesmo, está contemplado, entre outras medidas de seguridade viaria, un paso de peóns elevado.
Con esta intervención crearase unha circunvalación que conectará directamente a estrada A Laracha-A Silva (DP-2404) coa estrada A Laracha-Soandres (DP-1913) pola Avenida Doutor López Astray. Ademáis, a obra permitirá habilitar un novo acceso cara o instituto -pola parte posterior do centro- para os autobuses de transporte escolar.
Así, o Concello da laracha está a crear neste lugar do núcleo urbano da Laracha un punto de referencia para os veciños. Trátase dunha segunda pista polideportiva descuberta e unha pista de skate.
Unidade móbil da ITV de ciclomotores en A Laracha
A unidade móbil da inspección técnica de ciclomotores visitará A Laracha o venres 19 de febreiro para ofrecer o seu servizo aos veciños do Concello. Nesa data situarase na praza Olonne sur Mer (explanada fronte a biblioteca municipal da Laracha e o IES Agra de Leborís) en horario de 9:00 a 13:30 horas. As persoas interesadas poden reservar cita previamente na web www.sycitv.com ou no teléfono 902 309 000.
