A desición tomouse na reunión da comisión de seguimento do Covid-19 ante a situación actual e de que modo afecta a determinados servizos municipais
O Concello incorporará un novo auxiliar administrativo como funcionario interino para cubrir necesidades urxentes. Isto é debido ao volume de traballo motivado polo incremento da tramitación de expedientes administrativos pola crise do coronavirus. Entre as súas funcións cabe salientar a tramitación das solicitudes de subvención nos plans de axudas impulsados polas diferentes administracións, cooperación cos diferentes departamentos municipais e tramitación dos expedientes sancionadores por incumprimento das medidas de prevención sanitaria.
O Boletín Oficial da Provincia (BOP) publicó días pasados las bases que regularán o procedemento de selección de un auxiliar administrativo como funcionario interino. A selección farase polo sistema de concurso-oposición. Na fase de concurso valoraranse as titulacións académicas e os curso formativos dos aspirantes. A fase de oposición consistirá na realización dunha proba tipo test de cincuenta preguntas.
O prazo de inscrición para participar no procedemento é de cinco días naturais a contar a partir do 3 de novembro. As instancias poden presentarse a través da sede electrónica do Concello da Laracha, de xeito presencial acudindo con cita previa ao rexistro xeral municipal. Ou ben nalgún dos lugares previstos no artigo 16.4 da Lei 39/2015, do 1 de outubro, do Procedemento Administrativo Común das Administracións Públicas.
Control da Policía Local
Ademais, ante a limitación da liberdade de circulación das persoas entre as 23:00 e as 6:00 horas, acordouse que a Policía Local ampliará o seu horario os venres e os sábados ata a medianoite co propósito de exercer un maior control sobre o cumprimento desta normativa durante as fins de semana.
Os membros da comisión de seguimento ante a Covid-19 reuniéronse para analizar a situación actual e de que modo afecta a determinados servizos municipais e actividades que se desenvolven baixo a organización do Concello da Laracha. Además das medidas acordadas, incidiron na importancia de continuar cumprindo as medidas de prevención establecidas polas autoridades sanitarias. Ademáis, apelaron á responsabilidade da cidadanía para continuar reducindo o número de contaxios no termo municipal.
