Xa están en marcha traballos de pavimentación. As obras concluirán coa correspondente sinalización horizontal e vertical nesa zona da Laracha
Os últimos traballos da estrada que comunica Bos Aires con O Pereiro poñen de manifesto que a execución do proxecto entrou na súa fase final. Unha vez completada esta parte das obras, restará o acondicionamento dos arcéns e a sinalización horizontal e vertical.
Grazas a esta obra, a plataforma da calzada amplíase en seis metros máis ata alcanzar os 10,60 metros. Nese espazo que está a ser pavimentado, habilitaranse carrís para cada sentido de circulación. Tamén, senda peonil e espazo de aparcamento nunha das marxes e arcén. En total a superficie afectada é de 8.140 metros cadrados.
Lembramos que esta intervención está incluída no Plan especial de equipamentos educativos do CEIP Otero Pedrayo. Desde xeito, facilitará os accesos ao colexio tanto para transporte escolar como para vehículos particulares e peóns. Mellorase, ao mesmo tempo, as comunicacións desde esa zona cara outros puntos próximos da parroquia de Vilaño. Máis concretamente ao castro de Montes Claros ou a praza da Areosa. O orzamento alcanza os 243.000 euros e finánciase con fondos propios do Concello da Laracha.
