A sesión será o xoves 23 de setembro desde as 20:00 horas na Casa da Cultura
A Casa da Cultura da Laracha acollerá o xoves 23 de setembro a partir das 20:00 horas unha sesión informativa sobre a nova tarifa eléctrica. Esta convocatoria está aberta a todos os públicos e forma parte da campaña que está a desenvolver a Xunta de Galicia, a través do Instituto Galego do Consumo e da Competencia (IGCC). O propósito é asesorar á cidadanía en relación aos últimos cambios normativos. Ademáis, que os consumidores laracheses dispoñan da información para aforrar na factura da luz tendo en conta tres períodos horarios. O acceso será gratuíto e por orde de chegada ata completar o aforo máximo.
