No procedemento da selección poderán participar persoas en situación de desemprego dende mañá xoves 4 de xuño
O Boletín Oficial da Provincia (BOP) publica hoxe as bases da convocatoria para a selección das sete persoas que formarán a cuadrilla municipal de obras e servizos. O Concello da Laracha as contratará no marco do Plan de Emprego Local (PEL 2020) co apoio da Deputación da Coruña.
No procedemento selectivo poderán participar persoas que se atopen en situación de desemprego. Deben estar inscritas no Servizo Público de Emprego e incluídas nalgunha situación de exclusión laboral. O prazo de inscrición é de cinco días hábiles a contar desde mañá xoves.
Cinco peóns e dous capataces
Tal e como se especifica nas bases, a cuadrilla estará formada por cinco peóns e dous capataces. Se lles encomendarán funcións como, entre outras, a instalación de sinalización viaria, reparación de beirarrúas e sumidoiros. Tamén, acondicionamento do terreo para a ubicación de colectores, mantemento de espazos públicos, conservación medioambiental, limpeza viaria e apoio loxístico aos servizos municipais.
A contratación será a tempo parcial por trinta horas semanais ata o 31 de decembro. A selección farase na modalidade de concurso oposición. Valorándose os méritos dos aspirantes e a proba práctica sobre o manexo de ferramentas. Ademais, un exame sobre o coñecemento da lingua galega para aqueles aspirantes que non estean en posesión do Celga 1.
