Unha vez rematadas as novas beirarrúas, resta a iluminación pública e a sinalización na rúa
As obras contempladas no proxecto de transformación da rúa Silverio Moreda Alvariño atópanse na fase final de execución. Está situada no centro do núcleo urbano da Laracha e enlaza dúas vías vertebradoras como son a Avenida Fisterra (estrada AC-552) e a Avenida de Caión (estrada DP-1913). Ata agora permítese o dobre sentido, o que entraña certas dificultades para a circulación debido á existencia tanto de beirarrúas como de espazo de aparcamento a ambas marxes.
Para resolver esta situación, o Concello da Laracha proxectou estas obras co propósito de facer a rúa máis accesible para os peóns e segura para os vehículos. Se priorizou a ampliación das beirarrúas e o mantemento das zonas de estacionamento. Por iso foi necesario o establecemento do sentido único da circulación con entrada pola Avenida Fisterra e saída pola Avenida de Caión.
A intervención é financiada integramente con fondos municipais e supón un investimento de 85.000 euros. Este proxecto enmárcase dentro del plan de mellora e humanización das rúas dos tres núcleos urbanos do termo municipal da Laracha. Este tipo de intervencións, ademais de facilitar as comunicacións a pé e rodadas, tamén son beneficiosas para os establecementos comerciais.
