A comisión de seguimento do Covid-19 decidiu reintegrar o importe la cota de inscrición de actividades
O principal acordo da comisión de seguimento ante o Covid-19 foi establecer o procedemento para reintegrar o importe da cota de inscrición nas actividades culturais e deportivas iniciadas ou previstas a partir do 1 de xaneiro de 2020. Por tanto, esta medida afecta a determinados cursos que xa comezaran a impartirse e a todos os que non arrincaran aínda.
En concreto, as actividades e cursos nos que se pode solicitar a devolución da cota de inscrición son aquagym, arte floral da parroquia de Golmar e bailes latinos. Pero tamén cociña, informática (iniciación á internet e paquete Office), obradoiro de repostería, pequecociña, pádel, robótica e programación, surf e tiro con arco.
As persoas que se anotaron nesas actividades deben cubrir o formulario que estará dispoñible desde hoxe venres na web municipal (www.alaracha.gal). Ademáis presentalo por calquera das tres vías habilitadas polo Concello da Laracha. Ben a través da sede electrónica, ben por correo electrónico ou ben presencialmente no rexistro central do Concello partir do luns solicitando cita previa.
Recordatorio: Regresa a feira de Paiosaco
A feira de Paiosaco retoma sua actividade este domingo, 17 de maio. Farase cos condicionantes para a reapertura ao público recollidos na orde SND/399/2020 do Ministerio de Sanidad (BOE número 130 do 9 de maio). Flexibilización de determinadas restricións de ámbito nacional establecidas trala declaración do estado de alarma en aplicación da fase 1 do plan para a transición cara unha nova normalidade.
Na xornada permitirase exclusivamente a venda de produtos do campo e de alimentos. É necesario que os vendedores reserven o espazo chamando ao 981 605001 entre o mércores e o venres en horario de 10:00 a 14:00 horas. En todo caso a instalación dos postos de venda na feira do Paiosaco farase entre as 8:00 e as 9:30 horas do domingo.
