Xa hai 460 familias e 43 grandes produtores que forman parte da iniciativa da recollida selectiva
No pasado mes de febreiro no Concello da Laracha comezou a funcionar a quinta fracción da recollida selectiva de residuis sólidos urbanos. Trátase do novo colector marrón de orgánicos que está operativo en Laracha, Paiosaco e Caión, así como na urbanización Monte Claro de Cabovilaño.
O Concello desenvolveu unha campaña informativa titulada Ti tes a chave a través da que se animaba á cidadanía a sumarse ao voluntariado marrón. Se fixo entregando a cada persoa que se anotase, un kit composto por un cubo ventilado, bolsas compostables e a chave para poder abrir os 150 colectores de orgánicos que están instalados a pé de rúa. Na actualidade son 460 familias e 43 grandes produtores (estrablecementos hostaleiros, supermercados, tendas de alimentación, etc.) as que están dadas de alta como usuarios.
Ademáis, todas as persoas que desexen sumarse a esta iniciativa poden cubrir o formulario na web municipal ou darse de alta acudindo ao Concello (necesario solicitar cita previa). Os puntos de recollida do kit son a propia Casa Consistorial e o edificio administrativo da Laracha.
Beneficio para todos
A finalidade desta iniciativa é reducir a cantidade de lixo que se deposita nos colectores xenéricos. E así poder recuperar os residuos orgánicos na planta de Sogama converténdoos en compost de calidade. Cabe lembrar que ás persoas que residen no rural se lles ofrece a posibilidade de participar no programa de compostaxe doméstica.
Así, durante varias semanas o Concello da Laracha informou, antes do estado de alarma sanitaria provocada polo coronavirus, os beneficios á comunidade que implica esta iniciativa. A través de puntos de interese en distintos lugares do municipio os veciños e veciñas sumáronse á campaña. Agora, unha nova chamada pode reforzar a recollida da quinta fracción.
