A Laracha confírmase como referente galego na posta en marcha da recollida selectiva da fracción orgánica
O Concello presentó a ampliación do servizo de recollida selectiva de residuos do que se encarga Coregal. Trátase dun centro especial de emprego de iniciativa social especializado na xestión integral de residuos. A este acto asistiron o alcalde José Manuel López Varela, o presidente de COGAMI -entidade que promove Coregal- Anxo Queiruga, e a responsable do servizo de Coregal na zona, María Villar.
O servizo de recollida de residuos en A Laracha, que dende a súa adxudicación a Coregal leva recollidas 24 toneladas, presenta a ampliación de 300 colectores. Serán empregados para a recollida de envases lixeiros e para a materia inorgánica. Todos contarán cun sistema de xeolocalización que permite que, tanto o Concello como Coregal, poidan optimizar as rutas de recollida, as posibles incidencias dos colectores e os lavados.
Outra das novidades é a renovación da flota que se encargará da recollida selectiva de residuos. Presentada na Praza do Concello, está constituída por 3 camións recolectores con carga traseira, dous deles con capacidade de 8 metros cúbicos e un deles con capacidade de 16 metros cúbicos. Ademais inclúe un vehículo multiusos de lavado e mantemento de colectores.
Empresa de Economía Social
Estes catro vehículos foron adquiridos por Coregal en réxime de renting a través de CaixaBank. A entidade financeira ofrece a empresas e administracións solucións de mobilidade ecolóxicas, responsables e próximas.
Coregal encárgase da recollida de residuos no Concello de A Laracha dende finais do mes de xullo, tras gañar o concurso público por cinco anos. Esta iniciativa empresarial de economía social emprega a persoas con discapacidade. Conta cunha planta de recollida de residuos situada en Carballo que presta servizo á comarca de Bergantiños. Actualmente, o cadro de persoal de dita planta está formado por 27 persoas traballadoras, das que 8 prestan servizo no Concello de A Laracha.
