As propostas realizaranse en Caión, A Laracha e Paiosaco o 15, 24 e 30 de abril
O 23 de abril celébrase o Día Internacional do Libro polo que o Concello da Laracha organiza propostas para o público infantil. A iniciativa ten como obxectivo fomentar a lectura especialmente entre os nenos. É tamén por ese motivo que abril é considerado como o Mes do Libro.
Neste ano a programación cultural conta con tres sesións de contacontos teatralizadas. Realizarase ao longo deste mes en A Laracha, Caión e Paiosaco. En todo caso a celebración dos eventos previstos e as condicións de acceso estarán suxeitas a posibles cambios en función da situación epidemiolóxica.
- Xoves 15: CEIP de Caión con Brincadeira Pirata a cargo de Teatro Calavera e dirixida a nenos de entre tres e dez anos de idade.
- Sábado 24: Casa da Cultura da Laracha acollerá o espectáculo Ris Ras de Baobab Teatro, pensando para público de ata oito anos.
- Venres 30: Centro Sociocultural de Paiosaco con A familia Papaventos, un espectáculo musical a cargo de Charo Pita.
Todos os espectáculos principiarán ás 18:00 horas, con entrada gratuíta ata completar a capacidade máxima permitida nas salas. É obrigatorio por parte do público o cumprimento das correspondentes medidas sanitarias contra o coronavirus. A Deputación Provincial da Coruña colabora co Concello da Laracha na organización do programa do Mes do Libro.
