Xa comezou o programa das propostas culturais e deportivas de verán que organiza o Concello da Laracha
As propostas culturais e deportivas para o verán na Laracha comezaron pero aínda quedan prazas dispoñibles. Así, o desenvolvemento da primeira das actividades é:
- primeira quenda do cursillo de iniciación ao surf para nenos de entre 8 e 11 anos de idade que terá lugar na praia de Caión entre as 10:30 e as 13:30 horas.
- segunda quenda, neste caso dirixida a mozos de idades comprendidas entre os 12 e os 15 anos.
Tanto nesa como no resto das propostas que organiza o Concello entre xullo e agosto, aínda quedan prazas dispoñibles, que serán outorgadas por orde de inscrición. A maioría das actividades van dirixidas ao público infantil. Un dos obxectivos é facilitar a conciliación da vida persoal e laboral das familias con nenos ao seu cargo.
As actividades nas que segue aberta a inscrición son os cursillos de iniciación ao golf no campo de Larín (14 e 16 de xullo) e xornadas multiaventura en Mazaricos (23 e 30 de xullo). Pero tamén, paintball en Cacheiras de Teo (6 de agosto), paddle surf no porto de Caión (11 de agosto) e kaiak en Caión (18 de agosto). A ellas súmase barranquismo no río Almofrei (20 de agosto) e as travesías en barco pola costa de Caión (26 de agosto).
Campamentos
Mención especial merecen os campamentos multiactivos para nenos de entre 4 e 12 anos de idade. Son a principal novidade deste verán e que substitúen aos tradicionais campamentos de verán de Caión, que neste ano non se poderán levar a cabo.
Os campamentos multiactivos desenvolveranse entre o pavillón e o campo de fútbol Municipais da Laracha e inclúen diferentes propostas culturais y deportivas, de ocio e educativas adaptadas ás idades dos participantes. Catro quendas establecidas:
- terán unha duración de cinco días
- realizaranse en horario de mañá
- os rapaces serán divididos en grupos para cumprir coas medidas de seguridade
- inscrición é gratuíta e o cupo máximo é de 40 nenos por quenda
Espectáculos na rúa e cine
O Concello ten programados espectáculos de rúa –ao aire libre- dirixidos a todos os públicos en datas moi simbólicas no termo municipal:
- 18 y 19 de xullo: Festas do Carme no porto de Caión que acollerá “La Coquette” de Kanbahiota e “Voa, voa!” de Talía teatro
- 15 y 16 de agosto: Festas patronais da Laracha na Praza Olonne Sur Mer donde haberá os espectáculos “Forzu2 + aéreos” de Circo Chosco e «A gran viaxe» de Inventi Teatro.
- 8 de setembro: Día dos Milagres na praza Eduardo Vila Fano de Caión actuará Fantoches con “Monstros no camiño”
Por último, salientar que o programa tamén inclúe a proxección de cinco filmes ao aire libre, en todos os casos a partir das 22:30 horas, coas películas:
- “Los futbolísimos” (10 de xullo na Laracha)
- “Ralph rompe internet” (17 de xullo en Caión)
- “Superlópez” (7 de agosto en Paiosaco)
- “Meigallos” (21 de agosto en Caión)
Colaboran co Concello da Laracha na organización deste propostas culturais e deportivas, a Xunta de Galicia a través da Rede de Dinamización Lingüística e a Deputación da Coruña.
