A Agrupación de Voluntarios de Protección Civil da Laracha realizará un programa de similares características
O Concello da Laracha pon en marcha o programa de voluntariado xuvenil con nove mozos e nozas de idades comprendidas entre os 16 e os 30 anos. Durante os próximos meses participarán como persoal de apoio aos técnicos especializados nas diferentes actividades municipais. Actuarán en acciones de tipo cultural, social, educativo, deportivo, xuvenil, medioambiental e de promoción do benestar das persoas maiores. Tamén, en espazos de igualdade de oportunidades entre homes e mulleres que se levarán a cabo nos próximos meses.
Os voluntarios recibirán a orientación, a formación e o apoio necesarios para o exercicio da súa actividade. Ao rematar a participación entregaráselles un certificado oficial que acreditará a súa colaboración e recoñecerá o seu valor social. Durante o desenvolvemento das xornadas tamén percibirán unha compensación económica diaria.
O propósito final é fortalecer a aprendizaxe dos voluntarios e reforzar os seus valores solidarios. A iniciativa está organizada polo Concello local co apoio da Consellería de Política Social da Xunta de Galicia a través da Dirección Xeral de Xuventude, Participación e Voluntariado.
Agrupación de Voluntarios de Protección Civil
Outro programa de similares características e tamén dirixido a mozos de entre 16 e 30 anos será realizado pola Agrupación de Protección Civil. Do mesmo xeito, conta coa colaboración da Dirección Xeral de Xuventude, Participación e Voluntariado. Comezará a desenvolverse nos próximos días.
