O programa comenzou o pasado fin de semana en Paiosaco
O programa municipal en torno ao 25 de novembro, o Día Internacional da Eliminación da Violencia contra as mulleres, comezó a desenvolverse o fin de semana baixo o lema A Laracha fronte ás violencias machistas.
Hoxe, día 25, organizarase unha dobre actividade, consistente nunha andaina de ida e volta entre A Laracha e Paiosaco (5,5 km) e, a continuación, a proxección do documental Volar -con posterior charla-coloquio a cargo de Nerea del Campo Aguirre e Arrate Ramírez Baglietto, dúas das súas protagonistas- no que nove mulleres cun pasado de violencia de xénero relatan en primeira persoa as súas experiencias e o seu percorrido vital.
Tamén se inclúe neste programa a función de mañá 26 de novembro dos Venres Teatrais. Comando Comadres un espectáculo en clave de humor para o público adolescente e adulto no que un grupo de artivistas organizadas en diferentes comandos poñen en evidencia as múltiples manifestacións da violencia patriarcal e cuestionan a persistencia dos seus valores no pensamento hexemónico actual e na xestión dexenerativa dos recursos naturais. A montaxe é producida por Matrioshka Teatro e escenificada polas actrices Anabell Gago, Chelo do Rejo e María Ángeles Iglesias.
Cabe lembrar, ademais, que calquera persoa a título individual, entidade, empresa ou establecemento comercial pode adherirse á iniciativa A Laracha fronte ás violencias machistas cubrindo o formulario dispoñible na web alaracha.gal (https://forms.gle/ms4uwACMUn9Ra3wn6).
Outras actividades
Lembramos que o primeiro dos eventos foi o contacontos infantil Dúas nenas moi moi valentes que a compañía Trémola Teatro realizaró no Museo de Golmar. Ademáis, aproveitando a feira en Paiosaco instalouse un punto violeta no que persoal técnico municipal ofreció información tanto sobre os recursos ao alcance das vítimas e pautas de actuación ante diferentes supostos de violencias machistas. Esta mesma iniciativa levouse a cabo en Caión (martes 23) e hoxe será na Laracha.
Este programa municipal en torno ao 25 de novembro é organizado polo Concello da Laracha en colaboración co Ministerio de Igualdad a través do Pacto de Estado contra la violencia de género, a Secretaría Xeral de Igualdade da Xunta de Galicia e a Deputación Provincial da Coruña.
