O alcalde José Manuel López Varela preside o acto de presentación do libro e haberá unha actuación musical en directo
O Instituto de Estudios Bergantiñáns publica, coa colaboración do Concello da Laracha, entre outras institucións, o libro «O río Anllóns. Arteria principal de Bergantiños«
A obra presentarase este venres día 7 nun acto aberto a todos os públicos que organiza o Concello. Será a partir das 20:00 horas nun lugar tan simbólico como a área recreativa de Gabenlle, xunto ao río Anllóns. a localización prevista é a carón dun dos extremos do paseo fluvial que comunica este lugar co Formigueiro, bordeando o río ao longo duns dous quilómetros e medio.
Os cinco autores do libro realizarán cadansúa breve exposición sobre as diferentes temáticas que aborda a publicación. Así, Xan Fernández, presidente do Instituto de Estudos Bergantiñáns, falará sobre como se levou a cabo o proxecto e explicará as características da parte alta do río. Mentres que Evaristo Domínguez abordará a parte baixa, desde Carballo ata a desembocadura. O biólogo Antón García Losada centrará a súa intervención nos espazos naturais do Anllóns. Fernando Cabeza Quiles, experto en toponimia, explicará a hidrotoponomia da zona. E, por último, a temática da intervención do profesor de historia Luis Giadás Álvarez xirará en torno ao Anllóns como personaxe literaria.
O acto será presidido polo alcalde, José Manuel López Varela, e amenizado cunha actuación musical en directo. Realizarase respectando estritamente as medidas de seguridade establecidas polas autoridades sanitarias, polo que todos os asistentes deben acudir con máscaras.
