O Pleno municipal aprobou os orzamentos para o 2023, que alcanza un presuposto de 9.850.000 euros.
O 22 de decembro de 2022, o Pleno da Laracha aprobou os presupostos, con carácter inicial:
- límite de gasto financeiro
- cadro de persoal
- orzamentos para o exercicio 2023
Dicir que os novos presupostos presentan un incremento do 14,30 % con respecto ao ano anterior e alcanzarán os 9.850.000 euros.
Neste sentido, o alcalde, José Manuel López Varela, agradeceu o labor do persoal adscrito ao departamento de intervención por “poder traer as contas antes do remate do ano”. Tamén adiantou que agarda que os novos presupostos “estean operativos a finais do mes de xaneiro”.
Tamén o rexedor municipal referiuse aos orzamentos como reais, prudentes e cautelosos. Na súa intervención concluíu que agarda “subilos a doce millóns de euros a final do ano, do mesmo xeito que se fixo co anterior exercicio”. Ademais destacou que o Concello “manterá as taxas e impostos municipais nos tipos mínimos fixados por lei”, facendo referencia especial ao IBI.
Gastos correntes
O capítulo do orzamento máis amplo, que se leva máis do 56 % do total dos presupostos, é o de gastos correntes, ao que o alcalde se referiu como “a base fundamental do funcionamento do Concello”. O seu importe increméntase nun 12 % con respecto ao exercicio anterior. Os factores principais do aumento é o propio aumento dos prezos das fontes enerxéticas e a revisión á alza dos custes de diferentes servizos que se prestan desde o Concello:
- limpeza
- mantemento de zonas verdes
- xestión dos centros sociais
- etc.
Neste capítulo tamén se recollen partidas económicas para continuar co desenvolvemento de iniciativas como son os traballos arqueolóxicos para a posta en valor do Castro de Montes Claros e os relativos á nova numeración das vivendas, tanto a dixital como a que se está levando a cabo nas parroquias.
Ademais, inclúese toda a programación cultural e deportiva que se organiza directamente desde o Concello.
Presupostos Protección social
No apartado de protección social e promoción do emprego, ao que se destina o 23 % do total, recóllense os gastos derivados de todos os equipamentos adscritos aos servizos sociais:
- escola infantil
- centro de día e fogar residencial
- centros sociais
- programas como o servizo de axuda no fogar e o Harmoniza
fondo de emerxencia social - achega municipal para o Plan de Transporte Metropolitano
- financiamento de iniciativas dirixidas a mellorar as capacidades profesionais dos cidadáns para facilitarlles a inserción no mercado laboral
Tamén, como principal novidade, o Alcalde apuntou que en 2023 o Concello impulsará un plan de reactivación do comercio local. Este plan está dotado con 40.000 euros en bonos e vales para que os cidadáns poidan financiar parte das súas compras nos establecementos do municipio.
Inversións
Por outro lado, o Goberno local tamén destaca o esforzo investidor dos presupostos. Así que 1,6 millóns de euros (o 16 %) do total, terá por destino a mellora de infraestruturas e equipamentos municipais.
Nesta líña, as catro actuacións contempladas nos presupostos son:
- rehabilitación da antiga casa reitoral de Montemaior para convertela nunha infraestrutura moderna que funcionará como albergue xuvenil, centro de referencia para o sector primario e punto de encontro para a veciñanza
- renovación do céspede sintético do campo de fútbol Municipal da Laracha
- ampliación das instalacións do punto limpo ç
- achega municipal para a cofinanciamento, xunto a Augas de Galicia, do proxecto de mellora da rede de abastecemento que prevé a creación dun novo depósito de cabeceira e dunha estación de bombeo de auga potable coas súas correspondentes canalizacións
Para rematar, no capítulo de persoal prevese o incremento do 2,5 % das retribucións actuais, toda vez que xa se actualizaran durante o ano en curso nun 1,5 %. Por tanto, o aumento será dun total do 4 % con respecto ao ano anterior, cumpríndose así co proxecto de Lei de Orzamentos Xerais do Estado.
