O skatepark construirase nunha parcela de 900 metros cadrados situada na parte posterior do IES Agra de Leborís
A Mesa de Contratación do Concello da Laracha reunirase nos próximos días para á apertura de plicas das seis ofertas presentadas ao proxecto do parque de patinaxe «Skatepark». Súa construcción na parte posterior do IES Agra de Leborís, complementará os espazos educativos, deportivos e culturais existentes no entorno.
O proxecto ten por finalidade ofrecer unha nova alternativa de ocio e a práctica deportiva especialmente dirixida ao público adolescente e xuvenil. Nela, o Concello investirá 155.000 euros procedentes integramente de fondos propios municipais.
«Skatepark» construirase nunha parcela de titularidade municipal que presenta unha superficie de novecentos metros cadrados. Disporá de diferentes planos inclinados e costas para ofrecer un amplo abano de posibilidades de movementos. O pavimento será de formigón e as barandillas de aceiro. Contará, ademais, cunha fonte de auga potable e iluminación en báculos e proxectores simétricos LED. Para elo é preciso realizar canalizacións dos servizos de abastecemento e electricidade, ademais de recollida de pluviais.
