O Concello renova o pavimento da estrada no núcleo de Paredes, en Erboedo.
Así, o Concello está a executar o proxecto de mellora do pavimento en Paredes, da superficie de rodadura da estrada no núcleo de Paredes, da parroquia de Erboedo.
Neste sentido, a actuación consiste na renovación do pavimento. En concreto, da superficie de rodadura dos vehículos cunha nova capa de aglomerado asfáltico en tres camiños que suman unha lonxitude lineal total duns oitocentos metros, incluíndo a limpeza das cunetas a ambas marxes, a formación de beiravías e o perfilado dos noiros.
Ademais, o tenente alcalde, José Ramón Martínez Barbeito, e o concelleiro de Urbanismo e Obras Públicas, Pablo Cambón, comprobaron o resultado dos traballos executados cunha visita ás obras.
Destacar que este proxecto, no que son investidos preto de 30.000 euros, forma parte do plan municipal para a mellora e conservación da rede viaria, cuxa finalidade é ofrecer boas comunicacións rodadas á totalidade dos máis de trescentos núcleos de poboación rural do Concello da Laracha.
Por último, informar que as obras rematarán en próximas datas coa sinalización horizontal e vertical para reforzar a seguridade viaria.
