Xunto á intervención realizada no parque da escola infantil, o investimento alcanza os 40.000 euros
Continuando co plan municipal de renovación, o Concello realizará nos próximos días unha intervención no parque Maximino Canedo. A actuación contempla a instalación dun novo pavimento continuo de caucho como elemento de seguridade ante posibles caídas. Ocupará unha superficie maior que o actual e sobre ese pavimento serán colocados novos xogos. Ademais, realizarase as oportunas actuacións de mantemento dos equipamentos que están operativos. Recentemente, tamén dotou con novos xogos ao parque infantil situado xunto á entrada da escola infantil A Galiña Azul da Laracha. Entre ambas intervencións o investimento situarase en torno aos 40.000 euros a financiar con fondos municipais.
