Durante os meses de agosto e setembro a oficina prestou servizo en Caión donde atendeuse a 231 persoas
O Concello trasladou o servizo municipal na oficina de información turística dende Caión ás dependencias da Casa Consistorial. Estará dispoñible de luns a venres en horario de 8:00 a 15:00 horas. A oficina estivo operativa nos meses de agosto e setembro en Caión. Nese período atendeu a 231 persoas. A maioría delas procedía de diversos puntos do territorio español, principalmente de Madrid e zonas de Galicia. Únicamente 5 dos usuarios foron estranxeiros orixinarios de Francia ou Alemaña.
Por norma xeral, o perfil medio dos turistas que acudiron a Caión foron parellas, familias con nenos e tamén grupos reducidos de amigos. A estancia media foi de entre dez e doce días. As principais motivacións para escoller o Concello da Laracha como punto de destino foi a seguridade e tranquilidade. Pero tamén, os entornos naturais, a gastronomía e a práctica de actividades deportivas como o sendeirismo e o surf.
Disfrutar en familia
Do Concello da Laracha destacan a gran extensión do municipio e os lugares de lecer axeitados para disfrutar deles en familia, como a praia de Caión e a área recreativa de Gabenlle. Tamén valoran a bandeira azul e as moitas opcións que teñen na Laracha para dar paseos a pé. Por tanto, ponse de manifesto que neste ano os turistas procuraron lugares abertos e ao aire libre para gozar das súas vacacións. Para chegar ata o municipio o automóbil particular foi o transporte máis utilizado. A autocaravana é o medio de aloxamento que presenta un maior crecemento.
As preguntas máis frecuentes dos usuarios referíronse á Costa da Morte, á cidade da Coruña, aos horarios das misas dos Milagres de Caión e ás opcións de rutas de sendeirismo. Ademais, unha das consultas máis recorrentes foi informarse sobre o modo de rexistro da visita a Galicia na web do Servizo Galego de Saúde, medida de control sanitario imposta pola Xunta de Galicia debido á crise do coronavirus.
Riqueza paisaxística
En Caión, lugar no que se situou a oficina de turismo, os visitantes que acudiron á vila por primeira vez valoraron a riqueza paisaxística do entorno, a praia e o paseo marítimo. Tamén destacaron as rutas deseñadas pola realizar a pé pola vila e agradeceron que a Igrexa Parroquial da Nosa Señora do Socorro estivese aberta a diario.
Como as visitas máis curiosas están a dun mozo alemán que percorría a pé a costa para chegar á cidade da Coruña e, desde aló, facer o Camiño Inglés a Santiago de Compostela. Tamén a dunha parella de Cádiz que deseñaban unha ruta entre A Coruña e Malpica. En ambos casos acudiron á oficina para solicitar información e buscar un selo para certificar a súa estancia en Caión.
