O proxecto nas rúas inclúe a renovación do pavimento na zona de rodadura e aparcamentos nas rúas Arxentina, Santiago e Avenida Bos Aires
Nesta semana concluirá a execución do proxecto de mellora no núcleo urbano da Laracha. O Concello promove esta actuación, a través da que se está a renovar o pavimento nas rúas Arxentina, Santiago e Avenida Bos Aires.
O proxecto inclúe a nova pavimentación dunha superficie total de 6.500 metros cadrados, incluíndo o ámbito de circulación das tres vías e tamén os espazos de aparcamento de vehículos. Completaranse os traballos coa sinalización horizontal e vertical. A actuación está valorada en máis de 95.000 euros.
