O Concello da Laracha e Fundación Mujeres organizan un obradoiro sobre diversas temáticas que se desenvolverán en liña. O prazo para inscribirse remata o 5 de xuño.
A actividade se oferta de xeito gratuíto a todas as mulleres empadroadas no termo municipal. A temática centrarase en cuestións dirixidas a mellorar a calidade de vida das participantes. Ademáis, versará sobre tres aspectos fundamentais como son o autocoidado, a alimentación saudable e a xestión do tempo neste momento de pandemia.
Así, as catro sesións impartiranse os luns 22 e 29 de xuño e 6 e 13 de xullo en horario de 11:00 a 13:00 horas, requiríndose conexión a internet a través de teléfono móbil, tablet ou ordenador. As mulleres interesadas en participar no obradoiro deben inscribirse, de xeito gratuíto, chamando ao 981612811 de luns a venres de 9:00 a 14:00 horas. Tamén poden facelo enviando un correo electrónico a servizos.sociais@alaracha.es.
