A Secretaría Xeral para o Deporte colaborará co Concello da Laracha para facer a reforma
A reforma da cuberta do pavillón municipal da Laracha consiste na sua renovación total así como dos canalóns. As actuacións inclúen o pintado dos muros interiores y exteriores do polideportivo. O investimento alcanzará os 40.000 euros, dos cales 25.000 euros serán achegados pola Secretaría Xeral para o Deporte por medio dunha subvención nominativa. Os 15.000 euros restantes serán asumidos polo Concello con fondos propios municipais. Na Xunta de Goberno Local celebrada onte foi aprobado o convenio de colaboración entre ambas entidades.
Control da avespa
Tamén se acordou a adhesión do Concello ao convenio entre a Vicepresidencia Primeira e Consellería de Presidencia, Xustiza e Turismo e a Fegamp. Trátase da coordinación de actuacións no desenvolvemento do programa galego de vixilancia e control fronte a avespa asiática. Así, continuaranse desenvolvendo as accións que nese sentido se viñan realizando no termo municipal da Laracha. Mantense, ademáis, o sistema de avisos a través do 012 para garantir a eliminación ou neutralización dos niños de avespa velutina.
Promoción da igualdade
Por outra banda, autorizouse a solicitude de participación na convocatoria de subvencións da Secretaría Xeral de Igualdade dirixidas a entidades locais para a promoción da igualdade. As axudas solicitadas polo Concello terían por destino o cofinanciamento do programa Harmoniza de axuda á conciliación. A través dela se prestan os servizos de aula lúdica e Madrugadores. Tamén, os gastos derivados do Centro de Información ás Mulleres (CIM) e programas de promoción, sensibilización, información e difusión en materias da igualdade e de prevención da violencia de xénero.
Licenza urbanística
Salientar, por último, a concesión da licenza urbanística para a construción dunha vivenda unifamiliar no núcleo de O Campo Medado, na parroquia de Soandres.
