En total actúase en máis de 19 km. xunto aos ríos poñendo en valor estes espazos fluviais de gran valor paisaxístico e medioambiental
O Concello da Laracha continúa mostrando o seu compromiso coa posta en valor dos entornos dos ríos como espazos naturais de gran valor paisaxístico e medioambiental. Todos os anos impúlsanse actuacións das áreas pluviales para acondicionalas, controlar o crecemento da biomasa e mantelas en condicións de limpeza. Os labores consisten na eliminación da maleza na zona de policía de cinco metros e a ambas marxes dos ríos nos tramos nos que a orografía do terreo así o permite.
Nos últimos meses as brigadas medioambientais municipais actuaron nunha distancia lineal de máis de 19 kilómetros:
- 10,7 km no río Anllóns (desde Os Muíños de Coiro ata Tuixe)
- 6 km no río Acheiro (desde a confluencia co Anllóns ata A Beria en Golmar)
- 2,6 km no río Bradoso (desde o cruce de San Fins ata O Xestal)
Actualmente os operarios están concluíndo as intervencións no Anllóns, estando xa rematadas nos outros dous ríos. O alcalde, José Manuel López Varela, e o concelleiro José Ramón Martínez Barbeito reuníronse cunha das cuadrillas á altura do lugar de Vista Alegre (parroquia de Vilaño) para interesarse polo resultado das actuacións.
O patrimonio natural que conforman os ríos laracheses son espazos de alto valor paisaxístico e de biodiversidade animal e vexetal . Desde o Concello animan aos veciños e veciñas a descubrir estes entornos que ofrecen os ríos Anllóns, Bradoso, Acheiro e tamén o Vilán.
