«Esta lei aprobouse como consecuencia da reforma do artigo 135 da Constitución Española, reforma pactada entre o PP e o PSOE», aseguran
O Grupo Municipal do Bng da Laracha levará unha moción ao próximo pleno da Corporación «en contra de calquera intento de incautación dos remanentes dos concellos por parte do goberno do Estado», explican. «Solicitamos nos acordos da moción a derrogación da chamada Lei Montoro e a interlocución coa FEGAMP como organismo de representación dos concellos galegos», afirma o grupo.
«Cómpre lembrar que é unha lei aprobada polo Partido Popular a que impón ao concellos medidas restrictivas como a regla de gasto e impide que poidan investir os remanentes, a lei Orgánica 2/2012 de Estabilidade Presupostaria e Sostenibilidade Financeira», engaden.
«Esta lei -aseguran- aprobouse como consecuencia da reforma do artigo 135 da Constitución Española, reforma pactada entre o PP e o PSOE. Foi aprobada nun mes de agosto dun xeito totalmente obscurantista e sen prácticamente debate. E modificou profundamente a lexislación orzamentaria impondo ás administrácións a prioridade do pago aos bancos».
«Tamén queremos lembrar que a devandita lei de Estabilidade Presupostaria impón ás administracións locais a obriga de déficit cero e polo tanto de equilibrar os orzamentos de ingresos e gastos. A regla de gasto que impide o incremento dos orzamentos dun ano para outro por enriba da previsión de crecemento do PIB. Mentres que ao goberno central e as administracións autonómicas permite un déficit limitado. Non é de recibo que os gobernos de turno pretendan seguir utilizando os remanentes dos concellos para cadrar os seus números diante da Unión Europea. E, deste xeito, impidan investir ese diñeiro en cubrir as necesidades da veciñanza», finalizan dende o grupo do Bng da Laracha.
Outra moción
Ademáis, desde o BNG local «presentamos xa unha moción hai tempo para instar á Xunta a mellorar a seguridade na zona de Soandres, en concreto no Pleno Ordinario de setembro de 2017 e a resposta do goberno municipal foi que os responsábeis da Xunta xa estaban traballando no asunto».
É por isto que desde o Grupo Municipal do BNG solicitamos da Corporación Municipal en Pleno a adopción do seguinte acordo:
- Instar á Xunta de Galiza á adopción de medidas encamiñadas a mellorar a seguridade da estrada AC-400 no cruce da mesma coa estrada provincial da Laracha á canteira de Soandres.
