O departamento de intervención vén de finalizar as operacións contables da liquidación do exercicio económico 2019 e de emitir o correspondente informe. E volve poñer de manifesto a boa saúde económica e financeira que presenta o Concello da Laracha.
O orzamento do ano pásado péchase en 10.340.781,41 euros no capítulo de ingresos e de 9.638.053,33 euros nos gastos. Aproximándose ambas cifras ás previsións iniciais no momento da aprobación dos presupostos a finais do ano 2018. Por tanto, o resutado orzamentario sitúase en positivo, nos 702.728,08 euros.
Os servizos económicos municipais destacan o alto nivel de execución orzamentaria no abono das obrigas recoñecidas. Dato que debe analizarse xunto ao estrito cumprimento da lei contra a morosidade nas operacións comerciais. En todos os trimestres foron respectados os prazos legalmente establecidos para o pagamento das facturas. Neste apartado destácanse, ademais, cinco aspectos fundamentais na xestión desenvolvida. Primero, o esforzo na mellora das infraestruturas de titularidade municipal. Segundo, a cobertura en servizos sociais. Terceiro, os programas de promoción do emprego. E catro, o apoio ao asociacionismo e a colaboración cos estudantes e as súas familias.
Plan económico e financiero municipal
No exercicio 2019 retomouse a senda do cumprimento da regla de gasto e da normativa de estabilidade de acordo ao plan económico-financeiro municipal vixente para o período 2019-2020. No exercicio anterior o Concello empregó parte do aforro xerado para destinalo a infraestruturas e programas de interese xeral para a cidadanía. Isto, levou consigo que o orzamento de gastos superase en 2018 a taxa de referencia do crecemento do PIB con respecto ao curso precedente.
En canto ao estado do remanente de tesourería ao peche do exercicio económico 2019, salientar que se sitúa nos 3.273.596,95. No caso de que sexa necesario, o Concello poderá dispoñer de parte desa cantidade para o financiamento de gastos xerais e investimentos ao longo deste ano 2020.
O goberno local dará conta destes datos á Corporación municipal na próxima sesión plenaria que se celebre.
