A unidade móbil da inspección técnica (ITV) de ciclomotores estará na Laracha o mércores 1 de marzo.
A unidade móbil da ITV estará dende as 9:00 a 13:30 horas pola mañá e de 15:15 a 18:00 horas pola tarde.
Así, as persoas interesadas poden reservar cita previa na web www.sycitv.com ou no teléfono 902 309 000.
Nesta ocasión estrearase a nova ubicación para a unidade móbil que, a proposta do Concello, será no parque empresarial da Laracha, no aparcamento norte xunto á nave municipal (rúa D2).
Ademais, o cambio de lugar ten unha dobre motivación, que é facilitar o acceso evitando a entrada ao núcleo urbano da Laracha e, tamén, as molestias que a presenza da ITV puidese causar na zona residencial do anterior emprazamento.
Ese espazo no parque empresarial tamén será o lugar no que se situará a ITV móbil de vehículos agrícolas, que está previsto que se desprace ata A Laracha no último trimestre do ano en data aínda por determinar.
