O alcalde da Laracha e o vicepresidente da Deputación reuníronse para estudar un anteproxecto para a humanización da avenida
José Manuel López Varela, alcalde da Laracha, e Xosé Regueira, vicepresidente da Deputación da Coruña, mantiveron unha reunión para estudar as posibilidades de transformación da Avenida Doutor López Astray. Trátase do tramo urbano da estrada provincial DP-1913 ao seu paso pola capital municipal.
O alcalde presentoulle ao vicepresidente a proposta xa plasmada nun anteproxecto. Nel preténdese converter a céntrica rúa “nun lugar no que se optimice o equilibrio entre os peóns e os vehículosos. Ademáis, que os plataneiros, árbores protexidas existentes a ambas marxes, sexan conservadas e gañen protagonismo quedando integradas no entorno”. A idea é converter a Avenida López Astray nunha vía de plataforma única, na que quedarían á mesma altura os espazos diferenciados para a circulación dos vehículos, estacionamento e ámbito peonil. A intervención abarcaría unha lonxitude de 545 metros e unha anchura media duns 12 metros.
Valórase a intervención en 1,3 millóns de euros. Para López Varela a obra permitiría embelecer o centro do núcleo urbano, facer o ámbito máis atractivo, aproveitar os espazos públicos e impulsar a actividade económica da zona. Además, ao mesmo tempo que aumentaría a seguridade viaria. López Varela tamén avanzou que, no caso de que a Deputación executase estas intervencións, o Concello solicitaría a cesión da titularidade da vía, asumindo o mantemento e conservación da mesma.
De outras épocas
Xosé Regueira, explicou durante o encontro que “estamos estudando a adaptación das vías provinciais que están deseñadas para outras épocas». Nese senido afirma que debe darse cabida ao tráfico rodado pero tamén prestando especial atención aos desprazamentos peonís en condicións de seguridade. Así mesmo lembrou que “hai tramos de vías provincias que orixinariamente foron deseñados como estradas e que a día de hoxe funcionan como travesías urbanas».
