Desde o venres as Festas do Corpus e do Carmen este ano substitúense por circo e cine ao aire libre e espectáculos de rúa
Coincidindo con as Festas do Corpus e do Carme, a patroa dos mariñeiros, o Concello da Laracha ofrecerá desde mañá venres e ata o domingo tres eventos culturais e recreativos dirixidos a todos os públicos. Se desenvolverán en Caión cumprindo todas as medidas de seguridade. Todos eles terán lugar no aparcamento xunto á casa reitoral, moi preto da praza Eduardo Vila Fano, e baixo unha carpa.
Así, o venres a partir das 22:30 horas proxectarase o filme de animación Ralph rompe internet, que vai dirixido ao público infantil.
O sábado, a partir das 20:00 horas, Kanbahiota Troup chegará a Caión con seu espectáculo La Coquette, no que se mesturan o humor e o circo. Está protagonizado por dúas personaxes dos anos 50 que se sorprenden co mundo actual no que se atopan.
E o domingo, tamén desde as 20:00 horas, a compañía ceense Talía Teatro porá en escena o seu novo espectáculo infantil Voa, Voa!, dirixido por Artur Trillo e protagonizado por Toño Casais e María Ordóñez.
Na organización deste programa cultural colaboran co Concello da Laracha a Xunta de Galicia a través do programa de dinamización lingüística FalaRedes e a Deputación da Coruña.
Suspendidas as festas tradicionais
Lembramos que todos os anos nestas datas en Caión celébranse as Festas do Corpus e do Carme cun programa lúdico e recreativo. O mesmo é organizado pola Asociación Cultural y Deportiva Peña Royal e coa colaboración do Concello.
Dita agrupación xa anunciou que neste verán, debido á crise da Covid-19, non organizaría os habituais actos festivos como medida de seguridade. Non haberá as tradicionais verbenas nesta fin de semana nin tampouco nas Festas dos Milagres, que se celebran en torno ao 8 de setembro.
